خواطر/ تابع المسلسل
كتبهاجدو /وحيد ، في 8 نوفمبر 2009 الساعة: 10:33 ص
قالت له انا قلت لك حتشوف اللي ما شفتوش
طبعا قعد يفكر ايه اللي ما شافوش وهو اللي
فاكر نفسه شاف كل حاجه
قالت له بص حواليك شايف ايه
قال شايف ان الاعداد الكبيره دي بتشتغل بكل
طاقتها و مبسوطين ما حدش فيهم بيكشر و لا بيتعب
قالت طيب بص من الطاقه دي وقولي شايف ايه
قال شايف طيران اسراب الطيور مهاجره وعلي شكل
راس حربه
الله ده اول واحد رجع لورا وواحد اخد مكانه
الله دي النجوم زي ما تكون بتبتسم لبعض
قالت له طيب ننزل شويه ونشوف الارض
قالها ماشي
شايف ايه
الله ايه ده ايه النضافه دي الشوارع جميله وكلها اشجار
واحد في ايده ورقه وراح علي صندوق الزباله وحطها جواه
الله دي اشاره مرور وواحد بيقول للتاني اتفضل حضرتك
الناس ماشيه وباين علي وشها السعاده وهم بيشترو لاولادهم
الملابس و الجزم وشنط المدرسه وكمان حيتغدو في مطعم
الاتوبيس ده مافيش فيه حد بيزاحم وكل ما يقف اللي عايز يركب
بيستني لما اللي نازل ينزل الاول
الله ايه ده دا في ناس بتسيب كرسيها لواحد عجوز وواحده شايله
طفل
بياع الفاكهه بيوزن ويطبب الكفه الا الا الا ده ماغيرش الكيس
وادي المشتري اللي اشتراه
الله فين جنينه الحيوانات اللي كانت هنا
قالت له الحيوانات لازم تعيش في البيئه بتاعتها
انت تحب ان حد يحطك في قفص مترين بقيه عمرك
والحيوانات تتفرج عليك
شايف المطار ايوه شايفه بس في حاجه غريبه جدا
شايفه ماحدش بيقول للمسافرين كل سنه و انت طيب
وحمد الله علي السلامه
وسواقين التكسيات واحد قال تاكسي وقفو 3 عربيات
السواق نزل جري و فتح الباب وقالو اتفضل
الاتنين التنين مشيو وهم بيدعولو بالبركه في رزقه
شفتي لابسين بدله زرقه وقميص ابيض وكرافته زرقه
وجزمه سوده بتلمع
ماحدش بيتف علي الارض وماحدش بيتبول علي الحيطه
والناس بتحط الزباله حسب كل صندوق البلاستيك في صندوق
و الكرتون في صندوق و القزاز في صندوق
قالت له شفت حد بيشحت او حد نايم علي الرصيف
او حد مكشر او ناس بتتخانق
شفت الارض الزراعيه و المصارف
وملاعب الاطفال وملاعب الرياضه في كل مكان
تعرف اللي انت شفته دلوقتي اسمه ايه
اسمه الحب
الناس بتحب بعض وبتحب بلدها وحكامها وهم بيحبو شعبهم
والناس و الشجر و الطيور والعرسان والحيوان
كلهم بيحبو بعض اهو ده اللي انت ما شفتوش
الحب
ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج | دوّن الإدراج
